რატომ საქართველო – ქვეყანა გთავაზობთ დაბალ გადასახადებს, ბიზნესის მარტივად რეგისტრაციას და დაბალ მარეგულირებელ ბარიერებს. დამატებით, თქვენი ბიზნესი, იქნება ეს ინდივიდუალური მეწარმე თუ შპს, ისარგებლებს ერთ-ერთი ყველაზე დინამიური და გლობალურად ინტეგრირებული ფინანსური სისტემით.
დღეს განვიხილავთ ინდივიდუალური მეწარმის დაარსებასა და მართვას. იურიდიული პირის ეს ფორმა ყველაზე მეტად შეეფერება ციფრულ მომთაბარეებს, ფრილანსერებისა და დისტანციურად მომუშავე პირებს, მიუხედავად იმისა, იმყოფებიან ისინი ფიზიკურად საქართველოში თუ მის ფარგლებს გარეთ. ინდ. მეწარმე იდეალური გადაწყვეტაა ნებისმიერი თვითდასაქმებული პირისთვის ან კონტრაქტორისთვის, რომლებიც მუშაობენ მსხვილ ტექნოლოგიურ კომპანიებში. ასეთი იურიდიული პირის შექმნას მხოლოდ რამდენიმე სამუშაო დღე სჭირდება. თუმცა, დაინტერესებულმა მხარეებმა უნდა გაითვალისწინონ, რომ თარიღები დამოკიდებულია სხვადასხვა ფაქტორზე, როგორიცაა დაინტერესებული პირების ამჟამინდელი მდებარეობა, მათი პირადი ფინანსების მდგომარეობა და ა.შ.
თუმცა, იურიდიული პირის რეგისტრაციამდე, თქვენ უნდა მიიღოთ სამუშაო ნებართვა მთავრობისგან. იმყოფებით საქართველოში თუ მის ფარგლებს გარეთ, ეს ნებართვა უნდა მოიპოვოთ. განაცხადი ონალინ ივსება და პროცესი დისტანციურია. ეს ჩვეულებრივ 30 დღეს მოითხოვს, მაგრამ არსებობს 10 დღიანი ვარიანტი პრიორიტეტული ნებართვით. საფასური დამოკიდებულია იმაზე, თუ რამდენად სწრაფად გსურთ იურიდიული სტატუსის მოპოვება. ამ პროცესის დროს თქვენ უნდა წარმოადგინოთ თქვენი ბიზნეს გეგმა და თქვენი ფინანსური ანგარიშების ამონაწერი. ბოლო ნაბიჯი იქნება ვიდეო ინტერვიუ შრომის მიგრაციის სააგენტოსთან.
გაითვალისწინეთ, რომ მაშინაც კი, თუ უკვე დააფუძნეთ ინდ. მეწარმე საქართველოში და სარგებლობთ თვითდასაქმებულის სტატუსით, სამუშაო ნებართვის აღება მაინც მოგიწევთ. წინააღმდეგ შემთხვევაში, დაჯარიმდებით.
შემდეგი ნაბიჯი არის ინდ. მეწარმის დაფუძნება. თუ თქვენ საქართველოს ფარგლებს გარეთ იმყოფებით და გსურთ კომპანიის დისტანციურად დაფუძნება, დაგჭირდებათ მინდობილი პირი, ვინც თქვენი სახელით წარადგენს დოკუმენტაციას. თუ უკვე საქართველოში იმყოფებით და გადაწყვიტეთ თვითდასაქმებულად დარეგისტრირებას, უნდა მოამზადოთ გარკვეული დოკუმენტები. მთელი პროცესი იუსტიციის სახლში ხორციელდება. დამატებითი ინფორმაციის მოძიება შესაძლებელია ვებგვერდზე www.psh.gov.ge. ახალმოსულებისთვის ამ პროცესის ნაწილი ასევე არის საბანკო ანგარიშის გახსნა ქართულ ბანკში. საფინანსო ინსტიტუტი დეტალურად შეისწავლის თქვენს ფინანსებს (KYC). ასევე დაგჭირდებათ იურიდიული პირის ოფიციალური მისამართი.
ინდ. მეწარმის სტატუსის შემოწმება შესაძლებელია ციფრულ პორტალზე www.my.gov.ge. იმ შემთხვევაში, თუ იუსტიციის სახლი რაიმე მიზეზით დაახარვეზებს რეგისტრაციას, იმავე საიტზე ნახავთ განმარტებას და შესაძლო გადაწყვეტის გზას.
კიდევ ერთი ნაბიჯი არის თქვენი რეგისტრაცია შემოსავლების სამსახურში, ადგილობრივ საგადასახადო ორგანოში. თქვენ მიიღებთ უნიკალურ კოდს და წვდომას ციფრულ პორტალზე. www.rs.ge არის ადგილი, სადაც თქვენ დაადეკლარირებთ და გადაიხდით გადასახადს(ებს). პირველი დონის საშემოსავლო გადასახადი მხოლოდ 1%-ია. თუ თქვენი წლიური შემოსავალი არ აღემატება 500 000 ლარს ან 150 000 აშშ დოლარს, თქვენ იხდით თქვენი შემოსავლის მხოლოდ 1%-ს. ზღვარს ზევით გადასახადი იზრდება 3%-მდე. თუმცა, 100 000 ლარზე მეტი წლიური შემოსავლის შემთხვევაში, თვითდასაქმებულებს ასევე უწევთ დღგ-ს გადახდა, რომელიც საქართველოში 18%-ია. რეგისტრატორმა უნდა წარადგინოს დეკლარაციები თავისი შემოსავლების შესახებ და გადაიხადოს გადასახადი ყოველთვიურად. შემოსავლების სამსახურების ციფრული სერვისები საშუალებას გაძლევთ, მთლიანად დამოუკიდებლად აწარმოოთ ბუღალტრული აღრიცხვა, ან მიმართოთ კვალიფიციურ დახმარებას.
და ბოლო და არანაკლებ მნიშვნელოვანი ნაბიჯი არის შრომითი ბინადრობის ნებართვის მიღება. პროცესი საკმაოდ ჰგავს სამუშაო ნებართვის მიღებას. თუმცა, აქ თქვენ გაქვთ 10, 20 და 30 დღიანი პროცედურების ვარიანტები. აქ მთავარი განსხვავება ისაა, რომ უნდა აჩვენოთ, რომ თქვენი ქართული სამართლებრივი სტატუსი ახლა აქტიურია და შეუძლია შემოსავლის გენერირება და წარმოადგენს სიცოცხლისუნარიან იურიდიულ პირს.
ზოგიერთი რეგულაცია სულ ცოტა ხნის წინ ამოქმედდა, ამიტომ ერთ-ერთი შეცდომა, რომელსაც მეწარმეები უშვებენ, არის დიდი სურათის უგულებელყოფა და განაცხადის პროცესის ზოგიერთი მნიშვნელოვანი ნაწილის გამოტოვება. თუ ფიქრობთ, რომ საქართველო უნდა იყოს თქვენი შემდეგი ნაბიჯი, მაგრამ ორიენტირებული ხართ თქვენს მიზნებზე და არ გაქვთ საკმარისი დრო დოკუმენტების შესაგროვებლად, Nomad Georgia-ს კვალიფიციური გუნდი სიამოვნებით დაგეხმარებით მთელს პროცესში.
დამატებითი ინფორმაციისა და ჩვენს ექსპერტებთან უფასო კონსულტაციისთვის დაგვიკავშირდით.